Хьей хинадбы!
Сувымыд йигитар, гъутчахар
Гъаджирмашид амбазар,
Гъозамыд ка.ляркъанар,
Хэ.ддеймыд гузатчияр!
Хьей хинадбы!
Дунихьдид михьманар,
Але лаир овчияр,
Алигы саил Чарахьан,
Лалаканды Сулукъан!
Хьей хинадбы!
Хьиней выхьыд су.ру.бы,
Ламысдид дамахбы хъанбы?
Ху.лухуд нисыдид ду.ду.лбы?
Айхъырма, хъад папырбы?
Хьей хинадбы!
Хьиней выхьыд меджлисбы,
Гыхъа факъыд хунчебы?
Сазылды сес, далдамад ун,
Дигъа, дигъа джан гъудар?
Хьей хинадбы!
Хьиней гыхъа гъад гъачибы?
Хьува.ре ацыд гъусурбы?
Гъуншияр выхьыд бычедбы,
Махьдал агъыдбы сырыбы?
Хьей хинадбы!
Хьиней выхьыд мирасар?
Хынимаше ацыд ма.хьла.бы?
Яцар, нигьра.бы, хирманбы?
Хъиламы хъад каламбы?
Хьей хинадбы!
Хьиней рухбы, рухуд духулбы?
Магал, дач, сувуд гъудбы?
Хьылешид коакбы, джахьрабы?
Бабаейшид капырбы, кохъабы?
Хьей хинадбы!
Хьиней выхьыд мизгитбы?
Имамар, муталимар, мехьдабы?
Эра.д цабы, илимдид китабы?
Дид-абайшид зияратбы-уджахъбы?
Хьей хинадбы!
Дигъа, дигъа хъодагас,
Хъудж яс, йидж гоас,
Выс салам, баркалла.
Хьидид, ине чахырад, д.ыла
Рахъас, агъане ихтилатбы
хинанала.
16.02.08г.
|